CSS Templates 1 CSS Templates 2 CSS Templates 3 CSS Templates 4 Flash Templates 1 Flash Templates 2 Flash Templates 3 Flash Templates 4

 

 

 
facebook
flickr
twitter
youtube
rss

26 ოქტომბერი - 2 ჯუჯას იუბილე (ახმეტა)

12 ნოემბერი - მანანა დონაძის და ზურაბ ჩინჩალაძის კონცერტი ნიუ იორკში

27 ოქტომბერი - 2 ჯუჯას იუბილე (ლაგოდეხი)

24 ნოემბერი - ვახტანგ ტატიშვილის იუბილე

28 ოქტომბერი - 2 ჯუჯას იუბილე (გურჯაანი)

26 ნოემბერი - კომპანია: "ჯადოსნ ხმების" იუბილე (თბილისი არტჰოლი)

30 ოქტომბერი - 2 ჯუჯას იუბილე (ქუთაისი)

27 ნოემბერი - ანსამბლი "ცისარტყელა" - შეხვედრა კომპოზიტორ ზურაბ ჩინჩალაძესთან ქ. ბათი ამში (ისრაელი)

31 ოქტომბერი - 2 ჯუჯას იუბილე (წყალტუბო)

17 დეკემბერი - სტუმრად ბარბარესთან (თბილისი არტ-ჰოლი)

7 ნოემბერი - სოსო ებრალიძის იუბილე

24 დეკემბერი - ანსამბლ "გვირილას" საახალწლო კონცერტი თბილისის დიდ საკონცერტო დარბაზში
...............................................................................................................................................................................................................................
...............................................................................................................................................................................................................................

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

მანანა დონაძის და ზურაბ ჩინჩალაძის კონცერტი ნიუ იორკში

     უკვე სამ წელიწადზე მეტია რაც, საქართველოდან გადახვეწილი ემიგრანტები, მოუთმენლად ელიან, ცნობილი ქართველი კომპოზიტორის და შემსრულებლის,  ბატონი ზურაბ ჩინჩალაძის ვოიაჟს, მსოფლიოს სხვა და სხვა ქვეყნებში, პროქტით ,, ემიგრანტის ნოსტალგია.''

     ამ პროექტის ფარგლებში ჩატარებულმა საღამოებმა და კონცერტებმა, დიდი წარმატებით ჩაიარა საბერძნეთში, იტალიაში, ესპანეთში, უკრაინაში, ესტონეთში და ასე შემდეგ. დღეს მინდა ბატონი ზურაბის, უახლოვეს გეგმებზე გესაუბროთ.  პროექტ ,,ემიგრანტის ნოსტალგიასთან'' დაკავშირებით. 2016 წლის 12 ნოემბერს, ბატონ ზურაბ ჩინჩალაძეს უმასპინძლებს ნიუ-იორკი. კერძოდ კი, ბრუკლინში მდებარე რესტორანი ,,ნაციონალი''.  სადაც გაიმართება,  ბატონ ზურაბ ჩიჩალაძის და ამერიკაში მცხოვრები ემიგრანტის, მომღერალი მანანა დონაძის, საღამო -კონცერტი. უკვე რამდენიმე წელია, ამ ორი შემსრულებლის დუეტებს, კარგად იცნობს საზოგადოება. მართალია ბატონი ზურაბი და ქალბატონი მანანა, სხვა და სხვა ქვეყნებში მოღვაწეობენ, მაგრამ ამას ხელი არ შუშლია, ჩაწერილიყო, რამდენიმე ლამაზი დუეტი, მათი შესრულებით. მათ  რიცხვში შედის:  „მანჰეტენზე წვიმს“, „ალალო დალალო“, „დაგიბრუნდები თბილისო“, „სამოთხის ვარდები“, „ესეც ჩემი ბედია“ და ასე შემდეგ. ბევრი მათგანის ტექსტის ავტორი გახლავთ, თავად ქალბატონი მანანა.

     მე მინდა წარმატებები ვუსურვო, ამ შესანიშნავ დუეტს და დარწმუნებული ვარ, რომ ეს საღამოები, ისეთივე ანშლაგით და წარმატებით ჩატარდება, როგორც , მსოფლიოს სხვა ქვეყნებში, ყველგან,  სადაც ჩვენი, ქართველი ემიგრანტები, ცხოვრობენ და იღწვიან.

წყარო: chinchaladze.ge

...................................................................................................................................................

ანსამბლი "ცისარტყელა". - შეხვედრა კომპოზიტორ ზურაბ ჩინჩალაძესთან ისრაელში

     ყველასთვის ცნობილია რომ, ბატონმა  ზურაბ ჩინჩალაძემ, მომღერალთა მრავალი თაობა აღზარდა და გზა გაუკვალა დიდი ესტრადისკენ. ყველასთვის ცნობილი, ბავშვთა ვოკალურ ინსტრუმენტული ანსამბლები, მზიური, ნერგები, ლახტი. და აი იგი, დღესაც არ ღალატობს საყვარელ საქმეს, 27 ნოემბერს, ისრაელში, ქალაქ ბათ იამში, საკონცერტო დარბაზ ეშკოლ აპაიში,  შედგება შეხვედრა საყვარელ კომპოზიტორთან,  ბავშვთა ანსამბლი ,,ცისარტყელა'' რომელიც, ძირითადად ასრულებს, ბატონ ზურაბ ჩინჩალაძის საბავშვო სიმღერებს, უმასპინძლებს საყვარელ კომპოზიტორს, ანსამბლი ,,ცისარტყელა" შეიქმნა 2014 წელს, ბატონი ზურაბ ბერიაშვილის და ქალბატონი ნანა დევდარიანის ხელმძღვანელობით.  რომლებიც ასევე არიან ამ საღამოს ორგანიზატორები.

წყარო: chinchaladze.ge

...................................................................................................................................................

მაკა ქაჯაიას ახალი სიმღერის ჩაწერაზე

 

სიმღერა

...................................................................................................................................................

"ორად ორი იუბილარი" - ორი ჯუჯას იუბილე (ქ.ყვარელი)

...................................................................................................................................................

"ორად ორი იუბილარი" - ორი ჯუჯას იუბილე (ქ.თელავი)

...................................................................................................................................................

"ორად ორი იუბილარი" - ორი ჯუჯას იუბილე (ქ.გორი)

     საპროდიუსერო კომპანიამ „ჯადოსნურმა ხმებმა“ მორიგი საგასტროლო პროექტის განხორციელება დაიწყო ქვეყნის მასშტაბით. იგი გათვალისწინებულია ყველაზე აქტიური მსმენელისათვის, ბავშვებისათვის და ყოფილი ბავშვებისათვის. 28 სექტემბერს გორის კულტურის ცენტრში უამრავი ბავშვი და დედიკოები, მამიკოები, ბებიები და ბაბუები მოვიდა. დარბაზი ვერ იტევდა მსურველებს. მათ ჩვეული ჯუჯური სიმღერებით მიესალმა ორი ჯუჯა: ვახტანგ ტატიშვილი და ნუგზარ კვაშალი. მათ წარმოადგინეს ალექსანდრე ბასილაიას სიმღერები და ახალი სიმღერით დაგვიხვდნენ ჯუჯები. პროგრამაში წარმოდგენილი იყო მხიარული საცირკო წარმოდგენა, რომელიც მეტად ეფექტურად წარმოადგინა ცირკის მსახიობმა გოგამ. მხიარულ კონცერტში მონაწილეობა მიიღო ქ.გორის №19 ბაგა-ბაღის აღსაზრდელებმა ანსამბლი მზიუროს სიმღერით „დაჰკარით დაფდაფებს“ ნუგზარ კვაშალთან ერთად. შემდეგ სცენაზე გამოვიდა ანსამბლი „გვირილას“ სოლისტი ბარბარე რუხაძე მანანა იმედაძის სიმღერით „მინდა მოგეფერო“, რომელიც შესრულდა მის დედიკოსთან და ნათლიასთან ნუგზარ კვაშალთან ერთად, შემდეგ მაკა ქაჯაიამ შეასრულა ზურაბ ჩინჩალაძის სიმღერა „ჩემო პატარა“ და სცენაზე უამრავმა ბავშვმა იხალისა. ღონისძიებაში თავისი ილუზიონისტური ნომრებით გარკვეული შთაბეჭდილება მოახდინა საქვეყნოდ ცნობილმა ილუზიონისტმა ზურაბ ვადაჭკორიამ. შემდეგ კი სცენაზე ისევ გამოჩნდა ორადორი იუბილარი და კონცერტი დიდი ქვეშ დასრულდა. მაყურებელმა დიდი შთაბეჭდილებით და ოვაციებით დატოვა დარბაზი.

...................................................................................................................................................

ანსამბლ „აკორდის“ საიუბილეო კონცერტი

...................................................................................................................................................

კლუბ „ტრიუმფში“ ბაჩი ქიტიაშვილის სახელობის როკ-ფესტივალი ჩატარდა

     15 სექტემბერს კლუბ „ტრიუმფში“ ბაჩი ქიტიაშვილის სახელობის როკ-ფესტივალი, რომელიც შედგა ქალაქ თბილისის მერიის კულტურული ღონისძიებების ცენტრის მხარდაჭერით და ხელშეწყობით. ცენტრის ხელმძღვანელობა დროულად გამოცხადდა. როკ-ფესტივალში მონაწილეობა მიიღო ქალაქ თბილისის ექვსმა ჯგუფმა, ასევე ჩამოვიდნენ გორიდან ჯგუფი: „გორი ლაიფ“-ი, ხელმძღვანელი: მალხაზ კვერნაძე; ხაშურიდან ჯგუფი „სპამ ჯემ“-ი, ხელმძღვანელი: ნიკა ბოლოგაძე. სახელდახელოდ გაწყობილი გახმოვანების აპარატურაზე ერთმანეთს ენაცვლებოდნენ როკ-ჯგუფები, რამაც მოგვცა საშუალება ცოცხალი შესრულების მაღალი ხარისხი მიგვეღო. ღონისძიება გახსნა ფესტივალის ჩატარების ინიციატორმა და იდეის ავტორმა ნუგზარ კვაშალმა. მან  მადლობა გადაუხადა ქალაქ თბილისის მერიას, პირადად ქალაქის მერს, ქალაქის კულტურული ღონისძიებების ცენტრს და ზურაბ წერეთელს. როკ-ფესტივალის ყველა მონაწილეს დაურიგდა საჩუქრად ბაჩი ქიტიაშვილის გამოსახულებით სპეციალურად დამზადებული მაიკები. გადაიღეს სამსახსოვრო ფოტოები ორგანიზატორებთან და ღონისძიებაში მონაწილეებთან. ნ.კვაშალმა ვრცლად ისაუბრა აწ განსვენებული როკ-ჯგუფის „ბერმუხა“-ს დამაარსებლის მიერ გაწეულ საქმიანობაზე და მის მიერ შექმნილ მუსიკალურ ნაწარმოებებზე.

     როკ-ფესტივალი გახსნა ხაშურის ჯგუფმა „სპამ-ჯემი“, მას ჩაენაცვლა ქ.გორის ჯგუფი „სინანულის ილუზია“, შემდეგ კი სცენა დაეთმო თბილისის როკ-ჯგუფებს. საინტერესო ნომრები წარმოადგინეს როკ-ჯგუფებმა: „ფრთები ლუსისათვის“, ხელმძღვანელი: ლევან კაპანაძე; მამუკა ჩიხლაძის როკ-ჯგუფმა წარმოადგინა ძალიან საინტერესო თემატური ნომრები და მაყურებლის სიმპატია დაიმსახურა, სანამ ფესტივალს ჟიური წარმოადგენდა შედეგებს მისი თავმჯდომარის კაკო ვაშალომიძის ხელმძღვანელობით, სცენა დაეთმო როკ-ჯგუფს ზურაბ დოიჯაშვილის ხელმძღვანელობით.

     ჟიურმა დიდი თათბირის შემდეგ დაადგინა ქალაქ თბილისის მიერ დაწესებული პრიზების მფლობელები. „საუკეთესო როკ-ჯგუფი“-ს წოდება მიენიჭა და მერიის პრიზი გიტარა თავისი სადგომით გადაეცა ჯგუფს „ფრთები ლუსისათვის“, „საუკეთესო გიტარისტი“-ს წოდება და მერიის პრიზი გიტარა მიენიჭა გიორგი სისოიანს, როკ-ფესტივალის „საუკეთესო ვოკალისტი“-ს წოდება მიენიჭა მომღერალ დიმა კობეშავიძეს და მას გადაეცა მერიის მიერ დაწესებული სპეციალური მიკროფონი თავისი სადგომით.

     ფესტივალის მონაწილეებს გადაეცათ ქალაქ თბილისის მერის მიერ დაწესებული დიპლომები. საორგანიზაციო ჯგუფი დიდ მადლობას უხდის მინერალური წყლების კომპანიას „საირმე მინერალ ვოთერს“ და მის დირექტორს ქალბატონ იანინა მაშკოვას, ასევე გურჯაანის ნაყინის კომპანიას და მის დირექტორს გურამ ბერიკაშვილს. ფესტივალის საორგანიზაციო ჯგუფი მადლობას უხდის კლუბ „ტრიუმფის“ ადმინისტრაციას, განსაკუთრებული მადლობა საორგანიზაციო ჯგუფმა გადაუხადა ქალაქ თბილისის მუნიციპალიტეტის მერს დავით ნარმანიას, მერიის კულტურული ღონისძიებების ცენტრს. ფესტივალი ფართოდ გააშუქა ინტერნეტ ჟურნალმა „ვარსკვლავები“ და ინტერნეტ ტელეკომპანიამ „stars.ge“ ტელეკომპანიებმა „იმედი“ და „რუსთავი 2“.

...................................................................................................................................................

საბავშვო სიმღერა „ცა ცისფერია“

     ომპოზიტორმა მანანა იმედაძემ მორიგი ახალი საბავშო სიმღერა შექმნა. სიმღერის ტექსტი ეკუთვნის პოეტ გურამ გორდეზიანს, არანჟირების ავტორია ზურაბ ჩინჩალაძე, სიმღერა ჩაიწერა ბადრი ტერელაძის მიერ. სიმღერას ასრულებენ ანსამბლ „გვირილას“  სოლისტები: ანა ასათიანი და ბარბარე რუხაძე. სიმღერა წარმატებით შესრულდა ფილარმონიის დიდ საკონცერტო დარბაზში ანსამბლის საიუბილეო კონცერტზე. „გვირილას“ სოლისტებს მხარს უმშვენებდა ნუგზარ კვაშალი და თბილისის  160-ე ბაგა-ბაღის აღსაზრდელები.

...................................................................................................................................................

კომპოზიტორ მანანა იმედაძის საბავშვო სიმღერა „უნდა მოგეფერო“

     ქალბატონი მანანა იმედაძე თავისი მრავალმხრივი ნიჭით და მომხიბვლელობით ძლიერ აკვირვებს საზოგადოებას. მის მიერ დიდი მოფერებით და იმერული დამაჯერებლობით შეიქმნა მეტად ლამაზი საბავშვო სიმღერა - „მინდა მოგეფერო“. სიმღერა სპეციალურად დაიწერა პატარა ბარბარე რუხაძისთვის. კომპოზიტორმა იგი დიდი დაკვირვების და მრავალმხრივი გულისხმიერებით მიუსადაგა ბარბარეს ბავშვურ სილამაზეს, რაზედაც მეტყველებს მის მიერ შექმნილი სიმღერის ტექსტის მისამღერშიც:

               „მინდა მოგეფერო
               გულში ჩაგიკრა ფრთხილად,
               თვალებით გიკოცნო
               შენ ჩემო ფერია“.

     უნდა აღინიშნოს, რომ სიმღერის არანჟირება ასევე ლამაზად შეძლო კომპოზიტორმა ზურაბ ჩინჩალაძემ, სიმღერა ჩაიწერა ასევე კომპოზიტორ ბადრი ტერელაძესთან, მისამღერში მღერის ბარბარეს დედიკო - მაკა ქაჯაია, ნათლიები: ნუგზარ კვაშალი, ბესო კალანდაძე, სოფო ერქომაიშვილი, ზურაბ მირზიაშვილი და ანსამბლი „გვირილა“. სიმღერა მეტად ლამაზი გამოვიდა და მისი შესრულების დროს აღტაცებაში მოდის დარბაზში მყოფი მაყურებელი. ნაწარმოები უამრავჯერ შესრულდა სხვადასხვა საკონცერტო დარბაზებში საქართველოს მასშტაბით: თბილისში, ბათუმში, თბილისი-არტ-ჰოლის დარბაზში, პროფკავშირების კულტურის ცენტრში, ფილარმონიის დიდ საკონცერტო დარბაზში, სხვადასხვა სახალხო დღესასწაულებზე და ღონისძიებებზე, ბათუმის საზაფხულო თეატრის სცენაზე და მუდამ დიდი აპლოდისმენტებით ხვდებოდა მაყურებელი. სიმღერა ნაჩვენები იქნა მრავალ სატელევიზიო არხზე.

...................................................................................................................................................

15 სექტემბერს კლუბ „ტრიუმში“   როკ   ჯგუფ  „ბერმუხას“ დამაარსებლის და ლეგენდარული გიტარისტის ბაჩი ქიტიაშვილის სახელობის როკ-ფესტივალი ჩატარდება

     იდეის ავტორი და ორგანიზატორი გახლავთ ლეგენდარული ანსამბლი „ივერიის“ წევრი ნუგზარ კვაშალი, შეიქმნა როკ ფესტივალს ჟიური ლეგენდარული გიტარისტის აკაკი (კაკო) ვაშალომიძის ხელმძღვანელობით. ფესტივალში მონაწილეობას მიიღებს 15-მდე როკ ჯგუფი, რომლებმაც უნდა წარმოადგინონ 2 საკუთარი კომპოზიცია ქართულ ენაზე. ფესტივალის გამარჯვებულებს გადაეცემა სპეციალური პრიზები, აღნიშნულ ფესტივალს მხარს უჭერს ქალაქ თბილისის მერია და მერიის კულტურის სამსახური, როკ-ფესტივალი ყოველწლიურად ჩატარდება ბაჩი ქიტიაშვილის ხსოვნის უკვდავსაყოფად.

     როკ ფესტივალის ჩატარების ორგანიზებას უზრუნველყოფს საპროდიუსერო კომპანია „ჯადოსნური ხმები“. ფესტივალზე მოწვეული იქნება ლეგენდარული გიტარისტის ოჯახის წევრები და მეგობრები.

...................................................................................................................................................

"თემობა 2016" - სახალხო დღესასწაული ჭიათურის რაიონში

     წელს  სოფელ თვალუეთის სტადიონზე მეოთხედ ჩატარდა სახალხო ზეიმი თემობა. მეორე მსოფლიო ომის შემდეგ მიტოვებული ღონისძიება აღადგინეს მალხაზ და ირაკლი ბიწაძეებმა. მათ წარმოწყებას მხარი დაუჭირეს ჭიათურის მუნიციპალიტეტის გამგეობამ, კულტურის ცენტრმა, კომპანიამ „ჯორჯიან მანგანეზმა“, ჭიათურის ავტოსადგურმა და სხვა ორგანიზაციებმა. თემობის ღონისძიებაზე მონაწილეობა მიიღო ექვსივე სოფელმა, მოეწყო სპორტული შეჯიბრებები, დოღი, ბაგირის გადაწევა, ხოლო საღამოს გაიმართა გალა-კონცერტი ქართული ესტრადის ვარსკვლავების მონაწილეობით, რომელსაც ორგანიზება გაუკეთა საპროდიუსერო კომპანიამ „ჯადოსნური ხმები“. გალა კონცერტი გახსნა თეატრალურმა კვარტეტმა, ისინი შეცვალა მერაბ სეფაშვილმა, შემდეგ სცენა დაეთმო ახალგაზრდა მომღერლებს გიორგი დათიაშვილს, თამარ მეჭიაურს, პაატა თედიაშვილს, ნათია ქოროღლიშვილს, მაკა ქაჯაიას, ცნობილ იუმორისტს ბიძინა მახარაძეს და მის მოსწავლეს ხათუნა ჭრიკიშვილს. შეკრებულ საზოგადოებას მიესალმა ჭიათურის მუნიციპალიტეტის გამგებელი სულხან მახათაძე, ჭიათურის მარგანეცის გენერალური დირექტორი გელა გლურჯიძე, ამაღელევებელი იყო გალა-კონცერტის ფინალური ნაწილი, სადაც მაყურებელს თვითონ წარუდგინა თავი ქართული ესტრადის არწივმა თემურ წიკლაურმა, მან მეტად აღაფრთოვანა მოსული მაყურებელი და დიდი ოვაციები დაიმსახურა, მოეწყო ლამაზი ფოიერვერკი, თემობის ორგანიზატორებმა დააჯილდოვეს გამარჯვებულები ფასიანი საჩუქრებით, მაყურებელმა მაღალი განწყობით დატოვა თვალუეთის სტადიონი.

....................................................................................................................................................

 

 

ინფრასტრუქტურა

დაგვიკავშირდით

საპროდიუსერო კომპანია
"ჯადოსნური ხმები"
დირექტორი თამაზ ქაჯაია

ტელ: 599.97.80.68
555.14.61.11 ან 571.00.48.85